Noshirlik va matbaa faoliyati bo‘yicha seminar o‘tkazildi
O‘zbekiston Respublikasi Vazirlar Mahkamasining 2020 yil 22 iyundagi “Noshirlik va matbaa faoliyatini boshlagani haqida vakolatli davlat organini xabardor qilish tartibi to‘g‘risidagi nizomlarni tasdiqlash haqida”gi 401-sonli qarori talablari hamda amaldagi qonun hujjatlariga rioya etilishi holati, mualliflar bilan ishlash, nashr mahsulotlarining davlat standarti va texnik reglamentlariga muvofiqligini ta’minlash, sohadagi mavjud kamchiliklar, xususan, kontrafakt mahsulotlar ishlab chiqarish va tarqatishga yo‘l qo‘ymaslik yuzasidan viloyatda faoliyat yuritayotgan nashriyot va matbaa korxonalari faoliyati o‘rganilib rahbarlari hamda xodimlari ishtirokida amaliy-seminar o‘tkazildi.
Seminar qatnashchilariga boshqarmasi mutaxassilari tomonidan mualliflik va turdosh huquqlar, texnik jihatdan tartibga solish sohasidagi normativ hujjatlar talablariga rioya etish bo‘yicha qonunchilikda belgilangan talablardan xabardor qilish va ularni bartaraf etish borasida ma’ruzalar qilindi.
