АРНАСОЙДА ҚАЛАМПИР ЕТИШТИРИЛИБ ҚАЙТА ИШЛАШ ЙЎЛГА ҚЎЙИЛАДИ
Республиканинг саноат ва ишлаб чиқариш салоҳиятини ошириш, иқтисодиёт тармоқларига юқори технологияларни кенг жорий этиш, тўғридан-тўғри хорижий инвестицияларни жалб қилишни кенгайтириш орқали ҳудудларда янги ишлаб чиқариш қувватларини яратиш, экспортни ривожлантириш, аҳоли бандлигини таъминлаш ва камбағалликни қисқартириш, шунингдек, инвестицияларни тизимли режалаштириш борасида самарали ишлар амалга оширилмоқда.
Жумладан, Арнасой туман ҳокими Одил Мусанов яна бир Хитой Халқ Республикасидан келган инвесторларни қабул қилди.
Учрашув давомида ҳудуд иқлим шароитидан келиб чиқиб қизил қалампир етиштиришни йўлга қўйиш ҳамда янги инвестициявий ташаббусларни ишлаб чиқишни назарда тутган ҳолда ҳамкорликни ривожлантириш истиқболлари муҳокама этилди.
Шундан сўнг, туман заҳирасидаги бўш турган ер майдонлар кўрсатилди ва хитойлик инвесторлар аграр соҳа мутахассислари билан қайта келиб ернинг унумдорлик ҳолатини ўрганиб кейинчалик инвестиция киритиш таклифларини билдиришди.
Арнасой тумани ҳокимлиги Ахборот хизмати
