Арнасой туманида қоп ишлаб чиқариш корхонаси ишга туширилади

Арнасой туманида инвестиция муҳитини янада яхшилаш, тўғридан-тўғри инвесторларни жалб этиш орқали иқтисодий кўрсаткични кўтариш борасида самарали ишлар бошлаб юборилди.

Арнасой тумани ҳокими Одил Мусанов ва Хитой Халқ Республикасининг “Xuasin sement” ва “Xong Don Li” компания раҳбарлари билан ҳамкорлик учрашуви ўтказилди.

Мазкур учрашувда “Xuasin sement” ва “Xong Don Li” компаниялари Арнасой туманида балиқчиликни ривожлантириш ва қоп ишлаб чиқаришни кенг йўлга қўйиш борасида ўз лойиҳаларини таклиф этди. 

Эндиликда, туманда хорижий инвесторлар билан ҳамкорлик стратегияси кенг йўлга қўйилиб, балиқчилик соҳаси ривожлантирилади ва қоп ишлаб чиқариш корхонаси ишга тушади.

Ушбу ишлаб чиқариш корхоналарининг ишга тушиши бир томонидан аҳоли бандлигига, иккинчи томонидан эса иқтисодий кўрсаткичнинг юқори бўлишига муҳим омил бўлади.

Арнасой тумани ҳокимлиги Ахборот хизмати