Арнасой тумани ҳокими Зарафшон маҳалласида сайёр қабул ўтказди

Ҳеч бир фуқаро ўз муаммолари билан ёлғиз қолмаслиги керак. Аҳоли кайфияти – ислоҳотларимиз ва сиёсатимизнинг кўзгусидир – бу давлатимиз раҳбарининг қатъий топшириғи. Арнасой тумани ҳокими Хуршид Алимарданов бошчилигида Зарафшон маҳалласида ўтказилган навбатдаги оммавий сайёр қабул ҳам айни шу эзгу мақсадлар рўёбига хизмат қилди.

Мазкур сайёр қабулда Ўзбекистон Агросаноат мажмуи ходимлари касаба уюшмаси Республика кенгаши раисининг ўринбосари Жавлонов Шавкат Сардорович, Ички ишлар вазирлиги масъул ходими подполковник Ўткир Кутлиев, 2-сектор раҳбари, туман Прокурори Хайрулла Газиев, туман ИИБ бошлиғи подполковник Рустам Умматқулов, Ўзбекистон Республикаси Президентининг Арнасой туманидаги Халқ қабулхонаси мудири Бекмурод Норов ҳамда маҳалла фаоллари иштирок этишди.

Сайёр қабулда аҳоли томонидан моддий ёрдам, кўмир маҳсулоти, электр таъминотини каби 10 га яқин масалалар тингланди.

Қабул давомида ижтимиой кўмакка муҳтож оилаларнинг 6 нафарига озиқ-овқат маҳсулотлари ва ҳар бирига бир қопдан ун маҳсулотлари  тарқатилди.

Шунингдек, сайёр қабулда вақт ва муддат талаб қиладиган мурожаатлар назоратга олинди. Аҳоли мурожаатлари юзасидан бу каби сайёр қабуллар туманимиз бўйлаб жойларда давом этмоқда. 

Арнасой тумани ҳокимлиги Ахборот хизмати