Арнасой тумани ҳокими Ғолиблар МФЙда сайёр қабул ўтказди

Юртимизда ҳалқ билан фаол ва очиқ мулоқот олиб бориш, аввало инсон ҳуқуқ ҳамда манфаатларини таъминлаш орқали халқимизнинг фаровон, бахтли ҳаёт кечириши учун муносиб шарт-шароит яратишдан иборат.

Арнасой тумани Ғолиблар маҳалла фуқаролари йиғинидаги Касб-ҳунар мактабида туман ҳокими Хуршид Алимарданов бошчилигида сайёр қабул ўтказилди.

Мазкур сайёр қабулда 3-сектор раҳбари, туман ИИБ бошлиғи подполковник Рустам Умматқулов ва Арнасой туман Халқ қабулхонаси мудири Бекмурод Норов, тумандаги корхона ва ташкилот раҳбарлари ҳамда маҳалла аҳолиси иштирок этди.

Сайёр қабулда табий газ, оқар сув, тадбиркорлик дўконига йўл очиш, тадбиркорлик қилиш, сизот сувларини чиқариш учун трансформатор ўрнатиш, маҳалани қаровсиз итлардан тозалаш,  кўчат экиш ҳамда ногиронлиги бор фуқаролардан хабар олиш каби масалалар бўйича 10 яқин аҳоли мурожаатлари тингланди.

Сайёр қабулда аҳоли мурожаатларининг ижроси назоратга олинди ва вақт талаб этилувчи муаммоларнинг бартараф этилиши юзасидан туманнинг тегишли мутасадди ташкилот раҳбарларига топшириқлар берилди.

Арнасой тумани ҳокимлиги Ахборот хизмати