Маҳалла кўчалари 1-сектор раҳбари назоратида
Арнасой туманида олиб борилаётган бунёдкорлик ишлари ва аҳолининг бўлаётган ислоҳатлардан кайфияти аъло даражада десак асло хато бўлмайди.
Жумладан, Арнасой туман ҳокими Хуршид Алимарданов Дўстлик МФЙда ўрганиш ишлари олиб борар экан, у ерда аҳолининг этирозларига сабаб бўлаётган электр энергияси кабелларини ушлаб турувчи темир-бетон устунларининг яроқсиз ҳолга келиб қолганлигини кўздан кечирди.
Ўрганиш давомида маҳаллада электр энергияси узлуксизлигини таъминлаш мақсадида “Соҳибқирон” кўчадаги 2 дона, “Равон йўл” кўчасига 5 дона яроқсиз ҳолга келиб қолган бетон устунларни алмаштириш юзасидан туман электр таъминоти корхонаси раҳбари Алишер Эсиргаповга тапшириқлар бериб ўтди.
Бу каби ислоҳотлар асосини халқнинг ҳукуматга ишончини ошириш, давлат бошқарув ва ижроя органларининг халқ манфаатлари йўлида хизмат қилишидир.
Арнасой туман ҳокимлиги Ахборот хизмати