Арнасойда спортнинг футбол ва мини-футбол турлари бўйича ДХХ раиси кубоги ғолибларини тақдирлаш маросими ўтказилди
Ўзбекистон Республикаси Давлат хавфсизлик хизмати ҳамда Ўзбекистон Республикаси Ёшлар сиёсати ва спорт вазирлиги соғлом турмуш тарзини тарғиб қилиш, ёшлар ўртасида футболни оммалаштириш, шунингдек, улар орасидан иқтидорлиларни аниқлаш ҳамда қўллаб-қуватлаш мақсадида футбол ва мини-футбол бўйича анъанавий Давлат хавфсизлик хизмати кубогининг туман саралаш босқичи жорий йилнинг апрель-май ойларида бўлиб ўтди.
Жумладан, Aрнасой тумани маркази “Ёшлар боғи”да “Беш ташаббус олимпиадаси” доирасида 16-30 ёшли ўғил болалар ва қизлар ўртасида спортнинг футбол ва мини-футбол турлари бўйича ДХХ кубогининг туман саралаш босқичида ғолиб бўлган жамоаларни тақдирлаш маросими ўтказилди.
Ушбу тадбирда Арнасой туман ҳокими Одил Мусанов, ДХХ ходими, туман прокурори, 2-сектор раҳбари Хайрулла Газиев, туман ИИБ бошлиғи подполковник, 3-сектор раҳбари Рустам Умматқулов, туман Давлат солиқ инспекцияси бошлиғи, 4-сектор раҳбари Навруз Отақулов, Ўзбекистон Ёшлар ишлари агентлиги туман бўлими раҳбари Отабек Сатторов ҳамда ОАВ вакиллари иштирок этди.
Тақдирлаш марасимида туман ҳокими сўзга чиқиб барча спортчиларни эришган ютуқлари билан табриклади ва биринчиликни қўлга киритган жамоаларни жорий йилнинг июнь-июль ойларида ўтказиладиган ДХХ кубогининг 2-босқичи вилоятлар бўйича саралаш мусобақаларида фаол иштирок этиб, туманимиз шарафини кўкларга кўтаришига ишонч билдирди.
Шундан сўнг, 16-30 ёшли ўғил болалар ўртасида ДХХ кубогида спортнинг “ФУТБОЛ” тури бўйича 1-ўринни қўлга киритган Янгибўстон МФЙ ёшлари жамоасининг ҳар бирига LED TV 32 русмдаги теливизор, футбол тўпи спорт формаси ва бутсылар, 2-ўринни қўлга киритган Ғ.Ғулом МФЙ ёшлари жамоасининг ҳар бирига Планшетлар, 3-ўринни қўлга киритган Гулбаҳор МФЙ ёшлари жамоасининг ҳар бирига Чанг ютгичлар берилди.
Спортнинг “МИНИ-ФУТБОЛ” тури бўйича мусобақанинг якуний натижаларига кўра 1-ўриннни қўлга киритган Бобур МФЙ ёшлари жамоасининг ҳар бирига LED TV 32 русмдаги теливизор, футбол тўпи спорт формаси ва бутсылар, 2-ўринни қўлга киритган Бўстон МФЙ ёшлари жамоасининг ҳар бирига Планшетлар, 3-ўринни қўлга киритган Гулбахор МФЙ ёшлари жамоасининг ҳар бирига Чанг ютгичлар тақдим қилинди.
Шунингдек, Давлат хавфсизлик хизмати раиси кубогида 16-30 ёшли қизлар ўртасида спортнинг “МИНИ-ФУТБОЛ” тури бўйича 1-ўринни қўлга киритган Янгибўстон МФЙ қизлари жамоасининг ҳар бирига LED TV 32 русмдаги теливизор, футбол тўпи спорт формаси ва бутсы, 2-ўринни қўлга киритган Бахтли МФЙ қизлар жамоасининг ҳар бирига Планшетлар, 3-ўринни қўлга киритган Бобур МФЙ қизлар жамоасининг ҳар бирига Чанг ютгичлар берилди.
Ёшлар ўртасида спортнинг футбол ва мини футбол турлари бўйича Давлат хавфсизлик хизмати кубогини ташкил этишда алоҳида хизматлари учун бир қатор ёш мураббийлар туман ҳокимнинг ташаккурномалари билан ҳам тақдирланди.
Эслатиб ўтамиз, Арнасой туманида спортнинг футбол ва мини-футбол турлари бўйича ДХХ кубогининг туман саралаш босқичида биринчиликни қўлга киритган жамоалар жорий йилнинг июн-июл ойларида бўлиб ўтадиган 2-босқич Қорақалпоғистон Республикаси, Тошкент шаҳри ва вилоятлар бўйича саралаш мусобақаларида иштирок этади.
Арнасой туман ҳокимлиги
Ахборот хизмати
