Арнасойда Мудофаа вазирининг кубоги учун “Ватанпарварлар” ҳарбий-спорт мусобақасининг туман босқичи бўлиб ўтди.
Туман Болалар ва ўсмирлар спорт мактабида Марказий ҳарбий округ қўшинлари қўмондониниг умумтаълим мактабларининг 10-11-синфларида таълим олаётган ўқувчи-ёшлар ўртасида Мудофаа вазирининг кубоги учун “Ватанпарварлар” ҳарбий-спорт мусобақаларини ташкил этиш ва ўтказиш тўғрисидаги топшириғининг ижросини таъминлаш мақсадида тумани мудофаа ишлари бўлими, туман халқ таълими бўлими ва туман Ёшлар ишлари агентлиги ҳамкорлигида тумандаги умумтаълим мактабларининг 10-11-синф ўқувчилари ўртасида “Ватанпарварлар” ҳарбий-спорт мусобақасининг туман босқичи бўлиб ўтди.
Мусобақада туман ҳудудидаги 19 та умумтаълим мактаб жамоалари иштирок этди.
Мусобақада жамоалар харбий эстофета, Саф қўшиғи, Темур тузукларидан савол-жавоблар, (пневматик милтиқдан ўқ отиш) “Моҳир мерган” каби шартларда баҳс олиб боришди.
Мусобақа якунига кўра:
1-ўрин 6-умумтаълим мактабининг “Лочин” жамоаси,
2-ўрин 8-умумтаълим мактабининг “Бургут” жамоаси,
3-ўрин 20- умумтаълим мактабининг “Генерал” жамоаси эгаллади.
Ғолиб жамолар қимматбаҳо совғалар ва дипломлар билан тақдирландилар.
Арнасой туман ҳокимлиги
Ахборот хизмати