Арнасойда «Энг фаол депутат» кўрик танлови бўлиб ўтди

Ўзбекистон Халқ демократик партиясининг Халқ депутатлари маҳаллий Кенгашларидаги партия гуруҳлари ўртасида “Ўзбекистон ХДПнинг энг фаол депутати” кўрик-танлови ташкил этиб келинмоқда. 

ЎзХДП Арнасой туман кенгашида танловнинг туман босқичи бўлиб ўтди. Тумандаги 7 нафар депутатдан 4 нафари иштирок этди. Танлов иштирокчилари учта шарт асосида ўзаро беллашиб, билимини синовдан ўтказишди.

Танлов натижаларига кўра 13-Абай сайлов округи депутати  Раъно Тўрабоева 42 балл билан вилоят босқичига йўлланмани қўлга киритиб, 1-даражали диплом билан тақдирланди.

Шунингдек, "Йилнинг энг жонкуяр депутати" номинацияси билан 1-Ғолиблар сайлов округи депутати  Усмонқул Умаров, "Энг маърифатли депутат" номинацияси бўйича 4-сайлов округи депутати Муҳиддин Суяров, "Ташаббускор депутат" номинацияси бўйича  6-Охунбобоев сайлов округи депутати Идрисқул Парманов, "Энг кўп ҳурматга сазовор бўлган депутат" номинацияси буйича 15- Бахтли сайлов округи депутати Усмон Қўқоновлар тақдирландилар. 

Арнасой туман ҳокимлиги Ахборот хизмати