Арнасой тумани 1-сектор ҳудуди Тинчлик МФЙда ногиронлиги бор фуқаролар ҳолидан хабар олинди
Арнасойда «Ҳеч ким меҳр ва эътибордан четда қолмайди» шиори остида меҳр-мурувват тадбирлари давом этмоқда.
3 декабр – “Халқаро ногиронлар куни” муносабати билан Арнасой тумани 1-сектор ҳудуди Тинчлик маҳалла фуқаролари йиғинида «Ҳеч ким меҳр ва эътибордан четда қолмайди» шиори остида меҳр-мурувват тадбири ўтказилди.
Мазкур тадбир Тинчлик МФЙ раиси бошчилигида маҳаладаги ҳоким ёрдамчиси, Ёшлар етакчиси, Хотин-қизлар фаоли, маҳалладаги тиббиёт ва ИИБ ходимлари биргаликда ногиронлиги бор 10 нафар фуқаролар ҳолидан хабар олишди.
Сана муносабати билан ногиронларга ижтимоий ёрдам кўрсатиш, моддий ва маънавий қўллаб-қувватлаш, уларнинг жамиятда ўз ўринларини эгаллашларига имкониятлар яратиш бугунги куннинг талаби эканлиги яна бир исботи сифатида эсдалик совғалар ва озиқ овқат маҳсулотлари тарқатилди.
Арнасой туман ҳокимлиги Ахборот хизмати