Арнасойда тарғибот тадбирлари давом этмоқда
Ижтимоий-маънавий муҳитни соғломлаштириш, диний бағрикенглик ҳамда миллатлараро тотувликни мустаҳкамлаш бўйича туман ишчи гуруҳи томонидан Арнасой тумани Адлия бўлими ходимлари билан тарғибот тадбири ўтказилди.
Мазкур тадбирда Дин ишлари бўйича қўмитанинг Арнасой тумани мутахассиси Ғулом Сайдуллаев томонидан ёш авлодни ва хотин-қизларни ижтимоий тармоқлардан тўғри мақсадда фойдаланиш борасида сўз юритди.
Ижтимоий тармоқлардан фойдаланиш жараёнида ақидапарастлик ғоялари билан йўғрилган ҳамда Ўзбекистон Республикаси Олий Суднинг 2020 йилдаги Қарори билан экстремистик материаллар сирасига киритилган китоблар, дисклар ва бошқа турдаги ноқунуний адабиётлардан фойдаланмасликлари тўғрисида ҳам айтиб ўтилди.
Шунингдек янги тахрирдаги “Виждон эркинлиги ва диний ташкилотлар тўғрисида” ги қонунни жойларда тўғри тарғиб қилиш ва унинг мазмун моҳиятини кенг жамоатчиликка тушунтириш юзасидан тарғибот тадбирлари давом этмоқда.
Арнасой туман ҳокимлиги Ахборот хизмати