Арнасой туманида «Оналар боғи» ташкил этилди

«Яшил макон» умуммиллий лойиҳасини амалга ошириш ишлари доирасида Арнасой туманидаги "Ғофур Ғулом" маҳалласида фаол хотин-қизлар бошчилигида акция ташкил этилди. Унда онахонлар томонидан мевали дарахтлар ва гул кўчатлари экилди.

Мазкур акцияда Оила ва хотин-қизлар туман бўлими ва маҳаллалардаги хотин-қизлар фаоллари, Ўзбекистон экалогия партияси Арнасой туман кенгаши ва Халқ депутатлари туман кенгаши депутатлари ҳамда ОАВ вакиллари иштирок этди.

Эзгу саъй-ҳаракатлар натижасида маҳаллада «Оналар боғи» бунёд этилди. Мазкур акция бошқа маҳаллаларда ҳам давом эттирилиши режалаштирилган. Навбатдаги акция «Тинчлик ва Чўлқувар» маҳаллаларида ўтказилади.

Арнасой туман ҳокимлиги Ахборот хизмати