Арнасойда энергетиклар куни нишонланди

Бугун, 22 декабрь куни, Ўзбекистонда энергетиклар куни нишонланмоқда. Шу боис Арнасой туманида ҳам энергетиклар куни муносабати билан Арнасой тумани ҳокими Хуршид Алимарданов соҳа ходимларини табриклади.

Энергетиклар байрами ҳеч қаерда дам олиш куни деб эълон қилинмаган. Аксинча, йилнинг энг узун туни бўлгани учун энергетиклар одатдагидан кўпроқ меҳнат қилиб, хонадонларга ёруғлик ва иссиқлик олиб кирувчи касб эгалари сифатида эътироф этилади.

Мазкур сана муносабати билан машаққатли касб эгалари бўлмиш электр энергияси ходимларининг аҳолига электр энергиясини узлуксиз етказиб беришда фидойилик қилаётган меҳнатлари учун бир гуруҳ соҳа вакиллари ташаккурномалар ва эсдалик совғалар билан тақдирланишди.

Арнасой тумани ҳокимлиги Ахборот хизмати