Одам савдоси жинояти тушунчаси, унинг салбий оқибатлари
Жиноят ишлари бўйича Арнасой туман судининг раиси Эрназаров Мақсуд Маматқулович Арнасой тумани “Бобур” маҳалла фуқаролар йиғинида ўтказилган сайёр учрашувда “Одам савдоси жинояти тушунчаси, унинг салбий оқибатлари ва мазкур жиноятни олдини олиш чоралари” мавзусида ушбу жиноятнинг тушунчаси, қонунда бу жиноят учун белгиланган жазо чоралари, судда кўриб чиқилган бу каби жиноятлардан мисоллар келтириб, уларга тайинланган жазолар, содир этган жиноятларнинг оқибатлари ҳақида давра сухбати иштирокчиларига батафсил маълумот ва тушунчалар берилди.
Сайёр учрашув давомида, аввало ҳар бир шахс ўзининг ҳуқуқларини тўлиқ билмас экан, ҳеч қандай чора-тадбирлар самара бермаслиги,шу нуқтаи назардан фуқароларнинг ҳуқуқий маданиятини ошириб бориш орқалигина ушбу иллатнинг олдини олиш мумкинлиги,қонунларимизга халқаро ҳуқуқ меъёрларининг имплементация қилиб борилиши уюшган трансмиллий жиноятчилик тусини олган одам савдоси муаммосининг ечимини топишимизда муҳим омил бўлиши, чунки қонуннинг устунлиги ислоҳотлардаги етакчи тамойил ҳисобланишияна бир бор таъкидлаб ўтилди.
Махсуд ЭРНАЗАРОВ
Жиноят ишлари бўйича
Арнасой туман судининг раиси
