Жиззах вилояти Арнасой тумани ҳокими ўзгарди. Арнасой туманига Алимарданов Хуршид Шукуруллаевич янги ҳоким сифатида таништирилди.
Бугун 16 сентябрь куни Халқ депутатлари Арнасой туман кенгашининг навбатдан ташқари сессияси бўлиб ўтди. Йиғилишда Арнасой тумани ҳокими бўлиб ишлаб келган Бердибоев Жамолиддин Абдуғаниевич лавозимидан озод этилди.
Алимарданов Хуршид 1979 йилда Бахмал туманида туғилган. 2007 йилда Тошкент давлат юридик институтини тамомлаган.
У 2019 йилдан буён Шароф Рашидов тумани прокурори сифатида фаолият юритиб келаётган эди.
Эслатиб ўтамиз Жамолиддин Бердибоев Арнасой туманига 2018 йилнинг апрель ойидан буён раҳбарлик қилиб келаётганди.
Арнасой туман ҳокимлиги Ахборот хизмати