O‘zbekiston Respublikasi Bosh vaziri - Fuqaro muhofazasi boshlig’ining 2024 yil 22 yanvar kunidagi “Aholi va hududlarni favqulodda vaziyatlardan muhofaza qilish, fuqaro muhofazasi va yong’in xavfsizligini ta’minlash bo’yicha 2022 yilda bajarilgan tadbirlar yakuni va 2024 yildagi ustuvor vazifalar to’g’risida”gi 1-sonli, Jizzax viloyati hokimi – Fuqaro muhofazasi boshlig’ining 2024 yil 29-may kunidagi 12 FM-sonli hamda viloyat FVB boshlig‘ining 2024 yil 29-may kunidagi 251-sonli buyruqlari ijrosini ta’minlash maqsadida joriy yilning 4 iyun kuni Arnasoy tumani G‘.G‘ulom MFY hududida joylashgan Sport maktabi binosida hamda “CHELEBEY TEXTIL” MCHJga qarashli tikuvchilik fabrikasida “Zilzila bilan bog‘liq favqulodda vaziyat oqibatlarini bartaraf etishda, Fuqaro muhofazasi boshqaruv organlari va kuch va vositalarining tegishli xizmatlarning hamkorlikdagi harakatlari” mavzusida maxsus-taktik o‘quv mashqlari o‘tkazildi.
Arnasoy tumani bo‘yicha: Arnasoy tumani G‘.G‘ulom MFY hududida joylashgan Sport maktabi hamda “CHELEBEY TEXTIL” MCHJga qarashli tikuvchilik fabrikasida o‘tkazilgan o‘quv mashqiga Arnasoy tumani Favqulodda vaziyatlar bo‘limidan 9 nafar shaxsiy tarkib, 1 ta yong‘in o‘chirish mashinasi, Arnasoy elektr ta’minoti korxonasidan 4 nafar shaxsiy tarkibi hamda 1 ta maxsus texnikasi, “Arnasoy tumangaz” gaz ta’minoti bo‘limidan 4 nafar shaxsiy tarkib 1 ta maxsus texnika hamda ob’ekt FM tuzilmalaridan 36 nafar shaxsiy tarkib va 3 ta maxsus texnika jami 48 nafar shaxsiy tarkib va 6 ta maxsus texnika jalb etildi.
O‘quv mashqlarida jami bo‘lib, 153 nafar ish bilan band bo‘lmagan va band bo‘lgan aholi hamda 6 ta texniklar jalb etildi.
Arnasoy tuman hokimligi
Axborot xizmati