Вазирлар Маҳкамасининг “Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида”ги қарори асосида жорий йилнинг 1 май санасидан бошлаб электр ва табиий газ тарифлари ўзгаради.
Бу борада Арнасой туманида қарорга мувофиқ, ёқилғи-энергетика ресурсларининг 2024–2025 йилларда босқичма-босқич ўзгарадиган янги нархлари ҳамда шу йилнинг 1 май санасидан эътиборан, аҳоли учун электр энергияси ва табиий газ бир ойлик истеъмолининг базавий меъёрлари тасдиқланганлиги тўғрисида аҳоли ўртасида тушинтириш ишлари олиб борилмоқда.
Жумладан, Арнасой тумани электр таъминоти корхонаси раҳбари Алишер Эсиргапов, “Arnasoytumangaz” газ таъминоти бўлими бошлиғи Нажмиддин Яссақовлар томнидан Ғолиблар, Ғ.Ғулом, Тинчлик, Чўлқувар, Дўстлик ва Гулбаҳор маҳалла фуқаролари ўртасида энергия ресурслари нархлари ва уларнинг истеъмолига ижтимоий нормаларни жорий этилаётганлиги борасида кўламли тушинчалар берилди.
– 1 майдан бошлаб электр энергияси нархи истеъмолчиларнинг I ва II гуруҳларига кирувчи қисмига ўзгаришсиз — 1 кВт/соат учун 1000 сўм ҳамда 900 сўмдан қолмоқда, - дейди Арнасой тумани Электр таъминоти корхонаси раҳбари Алишер Эсиргапов. – Истеъмолчиларнинг III гуруҳи, шу жумладан, овқат тайёрлаш учун марказлашган ҳолда электр плиталари билан жиҳозланган кўп қаватли уй-жойлар ва ётоқхоналарда яшовчи маиший истеъмолчилар учун бир ойдаги истеъмолдан келиб чиқиб:
Қолган маиший истеъмолчилар учун эса бир ойдаги истеъмолдан келиб чиқиб:
Истеъмолчиларнинг IV гуруҳи учун ҳам нархлар ўзгаришсиз — 1 кВт/соат учун 900 сўмдан қолятганлиги борасида маълумотлар бериб ўтди.
Шунингдек, “Arnasoytumangaz” газ таъминоти бўлими бошлиғи Нажмиддин Яссақов ҳам Табиий газ етказиб бериш нархлари борасида тўхталиб, барча истеъмолчилар учун тўлов миқдори ўзгаришсиз, яъни бир кубометр учун 1 500 сўмдан қолаётганлиги борасида маълумотлар бериб ўтди.
Йирик улгуржи истеъмолчилар ҳамда бюджет ташкилотлари учун ҳам табиий газ нархи ўзгаришсиз – бир кубометр учун 1 800 сўмдан қолмоқда.
Коммунал-маиший эҳтиёжлар учун аҳолига мавсумга қараб нарх белгиланмоқда. Хусусан, ноябрь февраль ойлари давомида бир ойдаги истеъмолдан келиб чиқиб:
Март октябрь ойларида истеъмолчилар бир ойдаги истеъмолидан келиб чиққан ҳолда қуйидагича ҳақ тўлайдилар:
Аҳолига маиший эҳтиёжлар учун сотиладиган суюлтирилган газнинг бир килограмми учун тўлов 1 600 сўм этиб белгиланяпти. 2024 йилнинг 1 июнидан бошлаб эса автомобилларга газ тўлдириш компрессор шохобчалари учун бир куб метр табиий газ 1 800 сўмдан етказиб берилади.
Қарор билан 2025 йилнинг 1 апрелидан эътиборан босқичма-босқич ўзгарадиган нархлар ҳам белгилаб берилмоқда. Хусусан:
2025 йил апрелдан бошлаб, электр энергияси нархи истеъмолчиларнинг I гуруҳига кирувчи қисмига ўзгаришсиз – 1 кВт/соат учун 1 000 сўм этиб белгиланяпти. II гуруҳ истеъмолчилар учун ҳам бир киловатт соат электр энергияси 1000 сўмдан етказиб берилади.
Истеъмолчиларнинг III гуруҳи, шу жумладан, овқат тайёрлаш учун марказлашган ҳолда электр плиталари билан жиҳозланган кўп қаватли уй-жойлар ва ётоқхоналарда яшовчи маиший истеъмолчилар учун бир ойдаги истеъмолдан келиб чиқиб:
Қолган маиший истеъмолчилар учун эса бир ойдаги истеъмолдан келиб чиқиб:
Истеъмолчиларнинг IV гуруҳи ҳам кейинги йилнинг 1 апрелидан эътиборан бир кВт/соат электр энергияси учун 1 000 сўмдан тўлайдилар.
Табиий газ етказиб бериш нархи эса қуйидагича ўзгаради: барча истеъмолчилар учун тўлов миқдори бир кубометр учун 1 800 сўмдан этиб белгиланмоқда.
Автомобильларга газ тўлдириш компрессор шохобчалари учун бир куб метр табиий газ 2 500 сўмдан етказиб берилса, иссиқлик электр станциялари ва иссиқлик электр марказлари бунинг учун 1 800 сўмдан тўлайди.
Аҳолининг коммунал-маиший эҳтиёжлар учун истеъмол қиладиган табиий гази учун нархлар ўзгаради. Яъни келгуси йилнинг 1 апрелидан эътиборан, ноябрь февраль ойлари давомида бир ойдаги истеъмолдан келиб чиқиб:
Март октябрь ойларидаги бир ойлик истеъмол учун эса қуйидагича ҳақ тўланади:
Аҳолига маиший эҳтиёжлар учун сотиладиган суюлтирилган газнинг бир килограмми учун тўлов 2 000 сўм бўлади.
Шунингдек, қарор билан 2024 йил 1 майдан аҳоли учун электр энергияси ва табиий газ бир ойлик истеъмолининг базавий меъёрлари ҳам белгиланмоқда. Унга кўра, электр энергияси бир ойлик базавий меъёри 200 кВт·соатни, табиий газ учун эса иситиш мавсумида 500 куб метрни, бошқа мавсумда эса 100 куб метрни ташкил қилмоқда.