Ички ишлар органлари томонидан 1 миллион ёшларни оталиққа олиш ва улар билан манзилли ишлаш механизми борасида Арнасой туманида ҳам самарали ишлар амалга оширилмоқда.
Жумладан, Арнасой тумани Касб-ҳунар мактабида ёшлар ўртасида гиёҳвандлик воситалари, психотроп моддалар ва кучли таъсир қилувчи препаратларнинг суистеъмоли ҳамда ноқонуний айланиши билан боғлиқ холатларнинг олдини олишга қаратилган давра суҳбати бўлиб ўтди.
Мазкур учрашувда туман Ички ишлар бўлими бошлиғининг биринчи ўринбосари О.Тошмуродов – гиёҳвандлик воситалари ва психотроп моддалар инсон соғлиғи ва хавфсизлигига жиддий таҳдид солиши, жамиятнинг иқтисодий ва маънавий негизига салбий таъсир кўрсатиши, кўпинча у уюшган жиноятчилик билан узвий боғлиқ бўлиши унинг ижтимоий хавфлилигини янада ошириши, айниқса, мазкур гиёҳвандлик воситаларидан жабр кўрувчиларнинг аксариятини ёшлар ташкил этаётганлиги таъкидланди.
Тадбир кенг кўламли, мунозараларга бой тарзда бўлиб ўтди. Йиғилганлар мавзу юзасидан бой таассуротга эга бўлдилар.
Арнасой тумани ҳокимлиги Ахборот хизмати