“BMB AGROKLASTER” КОРХОНАСИ ТОМОНИДАН ЕТИШТИРИЛАЁТГАН ПАМИДОР ВА БУЛҒОР ҚАЛАМПИРИНИ ОММАЛАШТИРИШ БОРАСИДА СЕМИНАР ТАШКИЛ ҚИЛИНДИ
Маълумки қишлоқ хўжалиги соҳасида амалга оширилаётган ислоҳотлар замирида фермер ва деҳқон хўжаликларининг манафаатлари муҳим омил бўлсада, улар томонидан етиштирилаётган табиий ва сифатли қишлоқ хўжалиги маҳсулотлари ҳалқнинг эҳтиёжи йўлида қилинаётган сайи-ҳаракатлардан биридир.
Бу эса қишлоқ хўжалиги йўналишидаги корхоналар, фермер ва деҳқон хўжаликларидан маҳсулот кўчатини экишдан бошлаб то ҳосилга киргунча бўлган барча жараёнларга алоҳида аҳамият қаратишни талаб қилади.
Арнасой тумани 1-сектор ҳудуди Самарқанд СИУдаги “BMB AGROKLASTER” корхонаси томонидан памидор ва булғор қалампирини етиштириш кенг йўлга қўйилганлиги боис, ушбу дала майдонида тумандаги маҳалла еттилиги ҳамда тадбирокорлар иштирокида семинар ташкил этилди.
Арнасой тумани ҳокими Одил Мусанов бошчилигида ташкил этилган семинарда Хитой халқ Республикасидан келган инвесторлар, сектор раҳбарлари ҳамда депутатлар ҳам иштирок этишди.
Мазкур семинар давомида памидор ва булғор қалампирини парвариш қилишда агротехник тадбирларини ўз вақтида олиб бориш кутилган ҳосилни бериши борасида соҳа мутахасислари ўз фикрларини билдириб ўтишди.
Самарқанд СИУда “BMB AGROKLASTER” корхонаси томонидан 14 гектар майдонга памидор ва 6 гектар майдонга булғор қалампирлари экилиб ҳозирда ҳосил йиғиб олинмоқда.
– Ушбу қишлоқ хўжалиги экинларига агротехник тадбирлар ўз вақтида самарали ташкил қилинганлиги сабабли, олий навли памидор ҳосили гектаридан 100-120 тонна, булғор қалампири гектарига 20-25 тонна ҳосил олмоқдамиз,-дейди “BMB AGROKLASTER” корхонасининг ижрочи директори Шамсиддин Ёдгоров. – Айниқса, ушбу ҳосилни йиғиб теришда 100 нафардан ортиқ мавсумий иш ўринлари яратилиб, бунда маҳаллий аҳоли бандлиги ҳам таъминланган.
“BMB AGROKLASTER” корхонаси деҳқонлари томонидан етиштирилган маҳсулот ҳолдинг таркибидаги BMB Agroplus корхонасига юқори қўшилган қийматга эга тайёр маҳсулотлар ишлаб чиқариш учун юборилмоқда.
Шунингдек, етиштирилган памидор ва булғор қалампирлари нафақат Ўзбекистон балки, Латвияга ҳам эскпорт қилинмоқда.
Семинар давомида памидор ва булғор қалампир ҳосилдорлигини кўрган иштирокчиларда катта қизиқиш уйғониб, ушбу кластер билан ҳамкорлик қилиш истагини билдириб ўтишди.
Арнасой тумани ҳокимлиги Ахборот хизмати
