ХИТОЙЛИК ИНВЕСТОРЛАР ЎРГАНИШИ ДАВОМ ЭТМОҚДА
Хабарингиз бор жорий йилнинг 19 июн куни Хитой Халқ Республикасидан Арнасой туманида қишлоқ хўжалиги соҳасини ривожлантириш, айниқса хитой тажрабаси асосида пахта етиштиришни кўламли йўлга қўйиш борасида инвесторлар келишган эди.
Шу боис яна Хитой Халқ Республикасининг Шинжон-Урумчи провинциясидаги Корла шаҳридан “China Xinjiang Hongtai Seed Industry Technology Co. Ltd” компаниясининг бир гуруҳ вакиллари иборат делегация Арнасой туманига ташриф буюрди.
Бу сафарги учрашув ҳам Арнасой тумани ҳокими Одил Мусанов инвесторлар билан биргаликда туманда Хитой тажрибаси асосида пахта етиштириш, пахтани қайта ишлаш, уруғлик чигит тайёрлаш, ўсимлик ёғи ишлаб чиқариш ҳамда толадан ип ишлаб чиқариш бўйича лойиҳалар туман ҳокимлигида кўриб чиқилди.
Шундан сўнг, туманда етиштирилаётган пахта далалари ва туман захирасида турган ер майдонларини ҳамда суғориш тизимларини бирма-бир кўздан кечириб, қишлоқ хўжалиги бўйича Хитойлик мутахассислар томонидан туманнинг иқлим шароитидан келиб чиқиб пахта етиштириш самарадорлигини ошириш борасида ўзаро фикр мулоҳазалар алмашилди.
Бу сафарга ўрганиш давомида ҳам Арнасой туманида пахта етиштириш, уни қайта ишлаш бўйича тажриба алмашиш борасида томонлар ўзаро келишиб олиниб, 2 минг гектар ер майдони босқичма-босқич ажратиладиган бўлди.
Шунингдек, “China Xinjiang Hongtai Seed Industry Technology Co. Ltd” компания томонидан туманда пахта етиштириш, қайта ишлаш, ўсимлик ёғини ишлаб чиқариш ҳамда толадан ип ишлаб чиқариш каби заводлар қуриш таклифларини билриб ўтишди.
Туманга бу каби хорижий инвесторларнинг жалб қилиниши қишлоқ хўжалиги соҳасини янада самарадорлигини оширишга хизмат қилади.
Арнасой тумани ҳокимлиги Ахборот хизмати
