АРНАСОЙ ТУМАНИ ДЎСТЛИК ВА ГУЛБАҲОР МАҲАЛЛАЛАРИДА САЙЁР ҚАБУЛ ЎТКАЗИЛДИ
Ўзбекистон Республикаси Президентининг Жисмоний ва юридик шахсларнинг мурожаатлари тўғрисидаги 2017 йил 11 сентябрдаги 445-сонли Қонунига асосан Арнасой тумани 1-сектор ҳудуди Дўстлик ва Гулбаҳор МФЙлари аҳоли ўртасида сайёр қабул ўтказилди.
Мазкур сайёр қабулда, Арнасой тумани хокими Одил Мусанов, туман Халқ қабулхонаси мудири Бекмурод Норовлар иштирок этди.
Сайёр қабулда давомида асфальт қилиш, деҳқончилик қилиш учун ер ажратиш, кредит олиш, маҳаллани дайди итлардан тозалаш, даволаниш учун моддий ёрдам, уй-жой таъмири, қабристонни ободонлаштириш, тез-тиббий ёрдам машинаси каби каби 18 та масалалар бўйича аҳоли мурожаатлари тингланди.
Мазкукр сайёр қабулда кўтарилган масалаларнинг аксарияти жойида ҳал этилди. Вақт ва маблағ талаб этадиган муаммолар ижросини таъминлаш бўйича “йўл харитаси” ишлаб чиқилиб, ижроси назоратга олинди.
Арнасой тумани ҳокимлиги Ахборот хизмати