АРНАСОЙДА САЙЁР ҚАБУЛ ЎТКАЗИЛДИ
Ўзбекистон Республикаси Президентининг Жисмоний ва юридик шахсларнинг мурожаатлари тўғрисидаги 2017 йил 11 сентябрдаги 445-сонли Қонунига асосан Арнасой тумани Касб-ҳунар мактабида аҳоли ва тадбиркорлар ўртасида сайёр қабул ўтказилди.
Мазкур сайёр қабулда, Арнасой тумани хокими Одил Мусанов, Ўзбекистон Республика Рақобатни ривожлантириш ва истеъмолчилар хуқуқларини химоя қилиш қўмитаси раиси ўринбосарлари ҳамда аҳоли ва тадбиркорлар иштирок этди.
Ушбу сайёр қабулда 20 нафардан ортиқ тадбиркорларнинг фикр ва мулоҳазалари тингланиб, муаммо ҳамда таклифлари атрофлича ўрганиб чиқилди. Келиб тушган мурожаатларнинг 7 таси жойида ҳал этилган бўлса, вақт ва муддат талаб қиладиган мурожаатлар назоратга олинди.
Тадбиркорлар томонидан айтилган бир қанча муаммолар жойида бартараф этилганлиги бу каби сайёр қабул ва учрашувларнинг нақадар самарали эканлигини белгилаб берди.
Арнасой тумани ҳокимлиги Ахборот хизмати