ARNASOYDA PILLACHILIK SOHASINI YANADA RIVOJLANTIRISH, ISH BILAN BAND BO‘LMAGAN XOTIN-QIZLARNI SOHAGA KENG YO‘NALTIRISH YUZASIDAN SEMINAR TASHKIL ETILDI
Pillachilik yurtimiz qishloq xo‘jaligining muhim tarmoqlaridan sanalishi bilan birga, ipak ishlab chiqarish ota-bobolarimizning boy madaniy merosi hamdir. Shu bois, mazkur qadriyatni davom ettirish bugungi davrning muhim masalalaridan sanaladi.
Arnasoy tumanida O‘zbekiston Respublikasi Prezidentining 2023-yil 1-iyundagi “Pillachilik sohasida kasanachilikni qo‘llab-quvvatlash hamda pilla yetishtirish uchun ozuqa bazasini yanada kengaytirishning qo‘shimcha chora-tadbirlari to‘g‘risida”gi PF-85-sonli farmoni ijrosini ta’minlash, tumanda vaqtincha ish bilan band bo‘lmagan xotin-qizlarni pillachilik sohasida kasanachilikka yo‘naltirish yuzasidan seminar tashkil etildi.
Seminarda tuman hokimi X.Alimardanov, tuman hokimining birinchi o’rinbosari Z.Ismatov, tuman hokimining o‘rinbosari, oila va xotin-qizlar bo‘limi boshlig‘i G.Xaydarova, pillachilik sohasi mutaxassislari, mahallalarda faoliyat yuritayotgan xotin-qizlar faollari ishtirok etishdi.
Seminarda so‘zga chiqqan tuman hokimi Xurshid Alimardanov hamda tuman hokimining o‘rinbosari, oila va xotin-qizlar bo‘limi boshlig‘i Gulzoda Xaydarova hamda “Al-Abbos Silk” mas’uliyati cheklangan jamiyati mas’ul hodimi M.Xolbo’tayevalar mahallalarda vaqtincha ish bilan band bo‘lmagan xotin-qizlarni pillachilik sohasida kasanachilikka yo‘naltirish, kasanachilar uchun yaratib beriladigan shart-sharoit va imkoniyatlar haqida so‘z yuritdilar.
Seminar yakunida ishtirokchilar o‘zlarini qiziqtirgan savollar yuzasidan murojaat qilishib, tegishli javob olishdi.
Arnasoy tuman hokimligi
Axborot xizmati
Тавсия этамиз:
![Tuman mahalliy byudjetining 2024-yil boshiga shakllangan erkin qoldiq mablag‘lari hisobidan “Fuqarolar tashabbusi jamg‘armasi” shaxsiy g‘azna hisobvarag‘iga mablag‘ o‘tkazish to‘g‘risida.](/uploads/posts/2024-01/1706503910_photo_2024-01-29_09-50-48.jpg)
![Tuman mahalliy byudjetining 2023-yil 2-chorak daromadlar rejasining oshirib bajarilgan qismi hisobidan “Fuqarolar tashabbusi jamg`armasi” shaxsiy g`azna hisobvarag`iga mablag` o`tkazish to`g`risida.](/uploads/posts/2023-09/1695277161_11.jpg)