ARNASOY TUMANIDA "MAHALLADA DUV-DUV GAP" TADBIRLARI BOSHLANDI

Arnasoy tumani G’.G’ulom MFY va G’oliblar MFY hududida joylashgan 8-sonli umumta'lim maktabining faollar zalida mahalla aholisi ishtirokida Prezident Shavkat Mirziyoyevning 2023-yil 22-dekabrda Respublika Ma'naviyat va ma'rifat kengashining kengaytirilgan yig'ilishidagi ma'ruzasi yuzasidan “Yangi hayot uchun, yangi O'zbekiston uchun” shiori ostida "Mahallada duv-duv gap" mavzusida ma'naviy-ma'rifiy targ'ibot tadbirlari o'tkazildi.

Mazkur targ'ibot davomida tadbir qatnashchilariga bugungi kunda yurtimizda barcha sohalarda amalga oshirilayotgan tub islohotlar, ijobiy o'zgarishlar, xalqimizning farovon turmush sharoitlarini yanada yaxshilash borasida amalga oshirilayotgan ishlar hamda ma'naviyat, milliy qadriyatlarimiz borasida oldimizda turgan dolzarb vazifalar batafsil muhokama qilindi.

Arnasoy tumani hokimligi Axborot xizmati