Арнасойда ўқув курсини тамомлаган аёлларга сертификатлар топширилди

Касб-ҳунар ва тадбиркорликка ўқитиш бўйича нодавлат таълим ташкилотлари курсларини муваффақиятли тамомлаб, уларнинг сертификатини олган шахсларга ўз бизнесини ташкил этиш учун имтиёзли микрокредитлар ажратиш йўлга қўйилган.

Арнасой тумани “Аёллар дафтари”нинг ижтимоий ҳимояга муҳтож ишсиз хотин-қизлар тоифасида турган 6 нафар ҳамда тадбиркорлик қилиш истагида бўлган эҳтиёжманд хотин-қизлар тоифасида турган 25 нафар хотин-қизлар Жиззах вилояти хотин-қизлар тадбиркорлик маркази тренери М.Юсупова томонидан ўқитилди.

Жумладан, Арнасой туманида “Аёллар дафтарига”га киритилган ишсиз хотин-қизларни тикувчилик кўникмаларига ўқитиш бўйича 40 соатлик навбатдаги ўқув курслари ўз якунига етди.

Бугун ушбу ўқув-курсларида иштирок этган 31 нафар хотин-қизлар ўқув-курсларини муваффақиятли якунлаб, махсус "Сертификат”лар билан тақдирланди.

Арнасой туман ҳокимлиги Ахборот хизмати