“Ochiq byudjet” axborot portalida ovoz berish jarayonida g`olib bo`lgan tashabbuslarga fuqarolar tashabbusi jamg`armasi mablag`larini yo`naltirish to`g`risida
“Ochiq byudjet” axborot portalida ovoz berish jarayonida g`olib bo`lgan tashabbuslarga fuqarolar tashabbusi jamg`armasi mablag`larini
yo`naltirish to`g`risida.
O`zbekiston Respublikasi Prezidentining 2021-yil 13-apreldagi PQ-5072-sonli va Oliy Majlisi Senatining 2021-yil 22-apreldagi KQ-213-IV-sonli qarorlari ijrosini ta`minlash, Moliya vazirligining 2023-yil 13-apreldagi 11/7-05284-sonli ko`rsatma xati ijrosini inobatga olib hamda “Mahalliy davlat hokimiyati to`g`risida”gi O`zbekiston Respublikasi Qonunining 6 va 24-moddalariga muvofiq, xalq deputatlari tuman Kengashi
QАROR QILАDI
- Joriy yilning 6-fevralidan 26-fevraliga qadar “Openbudget.uz” veb-sayti orqali mavjud mahalliy muammolarni bartaraf etish maqsadida tumanda istiqomat qiluvchilar uchun ahamiyatga ega bo`lgan turli mazmundagi jami 100 ta takliflar bildirildi. 26-martdan 18-martga qadar ushbu takliflarning barchasi moderatsiyadan o`tkazilib, natijada 79 ta tashabbus ovoz berish uchun qabul qilindi. 21 tashabbus turli xil sabablarga ko`ra rad etilib, 18-martdan 7-aprelga qadar 42 ta tashabbusga ovoz berish jarayonida ishtirok etganligi, O`zbekiston Respublikasi Prezidentining 2023-yil 10 apreldagi PQ-117 sonli qaroriga muvofiq 2023-yil 1-mavsum doirasida respublika bo`yicha o`tkazilgan tashabbusli byudjetlashtirish jarayonlarida har biri 2 000 dan ortiq ovoz to`plagan, lekin g`olib deb topilmagan 1309 ta loyihani amalga oshirish uchun qo`shimcha ravishda 1,3 trln. so`m mablag` respublika byudjetidan ajratilishi, shu jumladan Arnasoy tumaniga 2 ta loyiha uchun jami 1,0 mlrd so`m mablag` ajratilishi yuzasidan 2 ta tashabbus 2 000 dan ko`p ovoz to`plab g`olib bo`lganligi hamda jamg`armada 1,0 mlrd.so`m mablag` shakllanganligi ma’lumot uchun qabul qilinsin.
- G`olib takliflar va ularga ajratiladigan mablag`lar ro`yxati ilovaga muvofiq tasdiqlansin.
- Moliya vazirligining yuqoridagi ko`rsatma xatiga ko`ra g`olib takliflarni moliyalashtirish manzilli ro`yxati shakllantirilsin va g`olib takliflarni moliyalashtirish uchun buyurtmachi tashkilot sifatida tuman kasb-hunar maktabi va Jizzax viloyat YaBXIK etib belgilansin.
- Tuman hokimligi bosh hisobchisi (B.Muxiddinov)ga g`olib deb topilgan takliflarga fuqarolar tashabbusi jamg`armasidan amalga oshirishning aniqlangan qiymati miqdorida mablag` ajratish vazifasi yuklatilsin.
- Tuman G`aznachilik bo`linmasi (А.G`aybullayev) ushbu mablag`ni tegishli tartibda moliyalashtirilishini taʼminlasin. Ushbu mablag`ni manzilli ro`yxatda ko`rsatilgan tadbirlarni moliyalashtirishga yo`naltirish va ushbu mablag`larning boshqa maqsadlarga ishlatilishi taʼqiqlansin.
- Mazkur qarorning ijrosini nazorat qilish tuman Kengashining “Mahalliy byudjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari” doimiy komissiyasi hamda tuman hokimining birinchi o`rinbosari Z.Ismatov zimmasiga yuklatilsin.
- Ushbu qaror qabul qilingan kundan kuchga kiradi.
Tuman Kengashi raisi X.Аlimardanov
vi-47-49-3-43-k_23.pdf
[236,91 Kb] (юклаб олинди: 2)
Онлайн: vi-47-49-3-43-k_23.pdf
Муҳокамага қўшилинг
Тавсия этамиз:
19 апрель 2023, Среда
2023-yil 1-chorakda jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar hisobotini tasdiqlash to‘g‘risida
19 апрель 2023, Среда
“Ochiq byudjet” axborot portalida ovoz berish jarayonida g`olib bo`lgan tashabbuslarga fuqarolar tashabbusi jamg`armasi mablag`larini yo`naltirish to`g`risida
23 март 2023, Четверг
Аrnasoy tumanida jamoatchilik fikri asosida “Ochiq byudjet” axborot portalida shakllangan loyihalarni ishchi komissiya tomonidan va tegishliligi bo`yicha soha tashkilotlarining xulosalariga asosan rad qilish hamda ovozga qo`yish to`g`risida.
23 февраль 2023, Четверг
Arnasoy tumanini 2023-yilda ijtimoiy-iqtisodiy rivojlantirish bo`yicha amalga oshiriladigan chora-tadbirlar “Yo‘l xaritasi”ni tasdiqlash to‘g‘risida
10 февраль 2023, Пятница
Xalq deputatlari Arnasoy tuman Kengashining qirq oltinchi sessiyasini chaqirish to`g`risida
Изоҳлар (0)