Арнасойда ижтимоий соҳа объектларининг куз-қиш мавсумига тайёргарлик даражаси депутатлар назоратида

Арнасой тумани 1-сектор ҳудудида жойлашган ижтимоий соҳа объектларида куз-қиш мавсумига тайёргарлик ҳолати, ўқувчиларнинг таълим олиши учун яратилган шароитлар, муассасадаги мавжуд муаммо ва камчиликларни депутатлар томонидан ўрганилди.

Жумладан, Ҳалқ депутатлари Арнасой туман кенгаши депутатлари Эркин Зайиров, Мақсуд Абдуллаевлар биргаликда Чўлқувар МФЙдаги 6 ва 15 сонли умутаълим мактаблари, “Бинфша”, “Эъзоза” давлат мактабгача таълим муассасалари, “Камалак-2018” давлат хусусий шерикчиликдаги, “Баҳора”, “Қуёшча” оилавий  мактабгача таълим муассасалари ҳамда 1-сонли Оилавий поликлиникаларининг куз-киш мавсумига тайёргарлиги, қозонхоналарнинг ишлаши ва иситиш тизимининг ҳолати ўрганилиб, қайд этилган камчиликларни бартараф этиш борасида таклиф ва тавсиялари бериб ўтди.

Ушбу ижтимоий объектлар фаолиятида кузатилган камчиликларни бартараф этиш юзасидан чора-тадбирлар белгиланди.

Умид Мирзаев

Арнасой туман ҳокимлиги

Ахборот хизмати жамоатчи ходими