Арнасойда 4-сектор томонидан сайёр қабул ўтказилди

Одамларнинг дардини эшитиш, оғирини енгил қилиш юртдошларимизнинг адолатга, давлатга бўлган ишончини мустаҳкамлашга хизмат қилаётир. Боиси жойларда ўтказилаётган сайёр қабуллар орқали аҳоли муаммоларига ечим топилмоқда.

Жумладан, Арнасой тумани 4-сектор ҳудуди Бахтли МФЙда ўтказилган сайёр қабулда туман Давлат солиқ инспекцияси, 4-сектор раҳбари Хусниддин Умуров аҳолининг мурожаатлар эшитди.

Мазкур сайёр қабул Арнасой туман ҳокими ўринбосари Шавкат Кенжабоев, Бахтли МФЙ раиси, маҳалладаги ҳоким ёрдамчиси ва ёшлар етакчилари иштирок этди.

Сайёр қабулда олий таълим учун шартнома пулларини тўлаш, аҳоли бандлиги, тадбиркорлик қилиш учун банк кредитларини олиш каби 10 дан ортиқ муаммолар юзасидан мурожаатлар тегишли тартибда кўриб чиқиш учун назоратга олинди.

Арнасой туман ҳокимлиги Ахборот хизмати