Арнасойда 2022 йил 2-чоракда жамоатчилик фикри асосида шакллантирилган тадбирларни молиялаштиришга йўналтирилган маблағлар сессия томонидан тасдиқланади

Ўзбекистон Республикаси Президентининг 2018 йил 28 августдаги “Бюджет маълумотларининг очиқлигини ва бюджет жараёнида фуқароларнинг фаол иштирокини таъминлаш чора-тадбирлари тўғрисида”ги ПҚ-3917-сонли ҳамда Ўзбекистон Республикаси Президентининг 2021 йил 13 апрелдаги ПҚ-5072-сон “Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида”ги қарори қабул қилинди ҳамда Олий Мажлиси Сенатининг 2021 йил 22 апрелдаги КҚ-213-IV-сон қарорига асосан туман (шаҳар) бюджетлари маблағларини жамоатчилик фикри асосида шакллантирилган тадбирларга йўналтириш тартиби тўғрисида”ги Намунавий Низом тасдиқланди.

Шу боисдан, Арнасой туманида бюджет маълумотларининг очиқлиги ва шаффофлигини янада ошириш, бюджет маблағларининг шаклланиши ва сарфланиши устидан депутатлар ва жамоатчилик назоратини кучайтириш бўйича тизимли ишлар амалга оширилмоқда.

Жумладан, Арнасой туман Молия бўлими ходимлари тамонидан тумандаги Дўстлик ва Гулбаҳор МФЙларда аҳоли ўртасида 2022 йил 2-чоракда жамоатчилик фикри асосида шакллантирилган тадбирларни молиялаштиришга йўналтирилган маблағлар, яъни ташаббусли бюджетлаштириш натижалари бўйича тарғибот ишлари олиб борилди.

Шунингдек, ўтказилган ташаббусли бюджет жараёни якунларига кўра ишларни амалга ошириш учун ажратилган маблағлар билан шартномаларга мувофиқ якуний маблағларга нисбатан иқтисод қилинган қисмини жамғармага қайта тиклаш борасида кенг тушинчалар бериб ўтилди.

Ташаббусли бюджетлаштириш натижалари бўйича маълумотлар Ҳалқ депутатлари Арнасой туман Кенгашининг навбатдаги сессияси кун тартибига қўйилиши ҳам қайд этиб ўтилди.

Арнасой туман ҳокимлиги Ахборот хизмати