Арнасойда жиноятчилик муҳокамаси
2022 йилнинг 16 июль куни жиноят ишлари бўйича Арнасой туман суди раиси М.Эрназаров раислигида, туманнинг “Ғофур Ғулом”маҳалла фуқаролар йиғинида, тумандаги 4 та сектор раҳбарлари, маҳалла фуқаролар йиғини раислари ва ИИБ профилактика инспекторлари иштирокида, туман судининг 2022 йил 22 июнь кунги ҳукмига кўра, Ўзбекистон Республикаси Жиноят кодексининг 167-моддаси 1-қисми билан судланган М.Д.нинг жиноят иши бўйича чиқарилган ҳукм муҳокамаси бўлиб ўтди.
Маҳкум М.Д.ўзига ишониб топширилган ўзганинг мулкини ўзлаштириш йўли билан талон-торож қилишни мақсад қилиб, 2022 йилнингмарт-май ойлари давомида жабрланувчилар С.Атақуловнинг 11.000.000 сўмлик 2 бош, Ш.Юсуфовнинг 11.000.000 сўмлик 2 бошҳамда Х.Нишоновнинг 5.500.000 сўмлик бир бош қорамолларини уларнинг рухсатисиз сотиб, пулларни ўзининг шахсий эҳтиёжлари учун ишлатиб юбориб, талон-торож қилган. Суд томонидан маҳкум М.Д.нинг айбига тўлиқ иқрорлигини, қилмишидан чин кўнгилдан пушаймонлигини, оилавий шароитини, етказилган зарарнинг қисман қопланганини, шунингдек унинг ҳаракатида жазони оғирлаштирувчи ҳолатлар эса мавжуд эмаслигини инобатга олиб, унга нисбатан ахлоқ тузатиш ишлари жазоси тайинланди.
Бундан ташқари, ҳукм муҳокамасида сектор раҳбарлари ҳам сўзга чиқишиб, жиноятчилик ва ҳуқуқбузарликларнинг олдини олишда маҳалла ва жамоатчилик билан ҳамжиҳатликда ишларни ташкил этиш лозимлиги ҳақида фикрларини билдириб ўтишди.
Мақсуд Эрназаров
Жиноят ишлари бўйича
Арнасой туман судининг раиси
