Арнасой туманида 233 нафар хотин-қизларга сертификатлар топширилди
Ўзбекистон Республикаси оила ва хотин-қизлар давлат қўмитаси томонидан “Меҳнатдан келса бойлик-турмуш бўлар чиройли” шиори остида жойларда тадбирлар ўтказилиб келинмоқда.
Мазкур тадбирда Ўзбекистон Республикасининг 2022 — 2026 йилларда хотин-қизларнинг мамлакат иқтисодий, сиёсий ва ижтимоий ҳаётининг барча жабҳаларида фаоллигини ошириш бўйича Миллий дастурни 2022-2023 йилларда амалга оширишга қаратилган комплекс чора-тадбирлар режаси “Хотин-қизларнинг иқтисодий, ижтимоий ва сиёсий фаоллигини ошириш бўлими”нинг 1-бандида белгиланган “Хотин-қизлар бандлигини таъминлаш, уларнинг тадбиркорлигини қўллаб-қувватлаш” бўйича вазифаларнинг ижроси доирасида амалга оширилаётир.
Арнасой туманида ҳам ишсиз хотин-қизларнинг, айниқса уй-рўзғор ишлари, оилада бола тарбияси билан банд бўлган ва ёрдамчи даромадга муҳтож бўлган аёлларнинг бандлигини таъминлаш, меҳнат шароитларини яхшилаш, уларни оилавий ва хусусий тадбиркорликка, ҳунармандчилик ва касаначиликка кенг жалб этиш, ҳаётга иштиёқини оширишга мотивация бериш, уларга ҳунарманд ва касаначилик билан шуғулланиб, юксак марраларни эгаллаган илғор тадбиркор аёлларимиз фаолиятини ибрат қилиш орқали касб-ҳунар ўрганишга бўлган қизиқишларини ошириш мақсадида ўқув марказларга кенг жалб қилинмоқда.
Ҳозирда тумандаги 13 та маҳаллаларда ҳунармандчилик ва касаначилик, хусусан тикувчилик, каштачилик, пазандачилик, заргарлик (тақинчоқлар ясаш), қандолатчилик соҳасида фаолият юритаётган ўқув маскани ва марказлари Аҳоли бандлигига кўмаклашиш маркази билан шартномалар тузиб, “Аёллар дафтари” рўйҳатида турган ва ишсиз хотин-қизлар ўқув курсларида ўқитилмоқда.
Бугунги кунда туманда “устоз-шогирд” тамойили орқали 3 ойлик ўқув курсини тамомлаган 233 нафар хотин-қизларга сертификатлар топширилган.
Ишсиз хотин-қизларни бандлигини таъминлаш, аёлларни меҳнат бозорида талаб катта бўлган касб турларига ўқитиш, “устоз-шогирд” тамойили орқали уларни ҳунармандчиликка йўналтириш бўйича яратилган шароит ва имтёзлар, кредит ва субсидия олиш тартиби ҳақида тарғибот ишлари мунтазам амалга оширилиб келинмоқда.
Мазкур жараёнда тадбиркорлик қилиш истагини билдирган “Аёллар дафтари”ги 53 нафар хотин-қизларнинг 16 нафари кредит олиб, бугунги кунда тикувчилик, қандолатчилик каби турли йўналишларда ўз тадбиркорлигини йўлга қўйишган.
Бир сўз билан айтганда Арнасой туман Оила ва Хотин-қизлар бўлими томонидан “Аёллар дафтари”да турган хотин-қизларнинг тадбиркорлик қилиш истагини қўллаб қувватлаш, касб-ҳунар эгаллаш орқали ҳаётда ўз ўрнини топишга иштиёқини ошириш, соғлом турмуш тарзини шакллантириш, аёлларни иш билан таъминлаш борасида аниқ ва манзилли ишларни амалга ошириш давом этмоқда.
Рустам НУРМАТОВ
Арнасой туман ҳокимлиги Ахборот хизмати раҳбари
