Телефонлар:
(0372) 372-12-44
(0372) 372-14-40
» » Арнасойда уюшмаган ёшлар ўртасида «Заковат» интеллектуал ўйини туман босқичи ўтказилди

Арнасойда уюшмаган ёшлар ўртасида «Заковат» интеллектуал ўйини туман босқичи ўтказилди

28 февраль 2022 йил
449
0

Иқтидорли ёшларнинг мантиқий билимларини ошириш, уларни саралаш ва интеллектуал ўйинларга кенг жалб қилиш, ушбу ўйинлар ташкил қилинишини давлат томонидан қўллаб-қувватлаш ва зарур шарт-шароитлар яратиш, шунингдек, аҳолининг интеллектуал салоҳиятини юксалтириш мақсадида Арнасой туманида ҳам уюшмаган ёшлар ўртасида самарали ишлар олиб борилмоқда. 

Жумладан, Арнасой туман Касб-ҳунар мактабида уюшмаган ёшлар ўртасида “Заковат” интеллектуал ўйинининг туман босқичи ўтказилди. 

Арнасой туман ҳокимлили, Ўзбекистон Ёшлар ишлари агентлиги ва Ёшлар иттифоқи туман кенгашлари ҳамкорлигида ўтказилган “Заковат” интеллектуал ўйинида барча маҳалла ёшлари иштирокида 11 та жамоалар қатнашди. 

Зукко, билимдон ва интеллектуал салоҳиятга эга бўлган йигит-қизлар “Заковат” савол-жавобларида ўз маҳоратларини намойиш этиб, билимларини синовдан ўтказдилар. 

Барча маҳаллалардан келган жамоалари иштирок этган баҳс якунига кўра тумандаги Ғофур Ғулом маҳалла ёшларининг “Юлдузлар” жамоаси фахрли биринчи ўринни эгаллаб, мусобақа ғолиблигини қўлга киритди. 

Зарафшон ва Бахтли маҳалла ёшларидан таркиб топган “Аратор” жамоаси фахрли иккинчи ва Бўстон маҳалла ёшларининг “Бўстон стронг” жамоалари эса учинчи ўринларни эгаллади. Ғолиб бўлган жамоалар эсдалик совғалар ҳамда дипломлар билан тақдирландилар. 

Шунингдек, “Заковат” интеллектуал ўйини туман босқичида биринчи ўринни олган “Юлдузлар” жамоаси вилоят бочқичида иштирорк этиш учун йўлланмани қўлга киритди.

Мазкур интеллектуал ўйинларни ўтказишдан кўзланган асосий мақсад, маҳалла ёшларининг интеллектуал ва профессионал билим даражаси, маънавий-ахлоқий савиясини мунтазам равишда ошириб боришдир.  

Шунингдек, бу борада билимли ва салоҳиятли ёшларга иқтидорини намоён этишлари учун етарлича шарт-шароитлар яратиш, уларни муносиб рағбатлантириш, ёшларда илмни қадрлашга, китоб мутолааси билан кўпроқ шуғулланишга ва билим олишга интилишлари каби тушунчаларни мустаҳкамлашдан иборатдир эканлиги қайд этиб ўтилди. 

 

Арнасой туман ҳокимлиги Ахборот хизмати

 

скачать dle 12.0
Муҳокамага қўшилинг
Фикр билдириш
Изоҳлар (0)
Фикр билдириш
Кликните на изображение чтобы обновить код, если он неразборчив
Фойдали ҳаволалар