Бўстонда ишлаб чиқариш йўлга қўйилмоқда

Арнасой туманида аҳолини кенг тадбиркорликка жалб этиш, самарали технологиялар орқали ишлаб чиқариш салоҳиятини кенгайтириш борасида ҳоким ёрдамчилари хонадонбай ўрганиш ишларини олиб боришмоқда. 

Жумладан Арнасой тумани Бўстон махалласининг ҳоким ёрдамчиси Жамолиддин Исматов маҳаллада тадбиркорлик килиш истаги бор ҳар бир оила вакиллари учун имтиёзли кредитлар олиш борасида тушинчалар бериб бораётир.

Айни дамда эса маҳалла аҳолиси иссиқхона қуриш орқали қишлоқ хўжалиги маҳсулотларини етиштириш, аҳолини парранда тухуми ва гўшт маҳсулотлари билан таъминлаш, хўжалик кир ювиш совуни ишлаб чиқариш орқали кичик мини цех очиш ва тикувчилик дастгоҳларини сотиб олиш эвазига ўқув марказ очиш каби таклифлар келиб тушган. 

Келиб тушган мазкур таклиф ва тавсиялар қатъий назоратга олиниб, аҳолига кенг имкониятлар яратиш борасида амалий ёрдам кўрсатилмоқда.

Арнасой туман ҳокимлиги Ахборот хизмати