Ҳокимнинг навбатдаги қабули ўтказилди
Бугун Арнасой туман ҳокимлиги биносида туман ҳокими Хуршид Алимардановнинг навбатдаги фуқаролар қабули бўлиб ўтди.
Унда туман ҳокимининг ўринбосарлари, ташкилот ва корхона раҳбарлари ҳамда Ғолиблар, Олтин Водий, Бобур, Ғафур Ғулом маҳалла фуқаролари раислари иштирок этишди. Қабул давомида 11 нафар фуқароларнинг мурожаатлари тингланди ва шу куннинг ўзида 5 та мурожаат ўз ечимини топди.
Қабулда уй-жой билан таъминлаш, кредит ажратиш, ички йўлларни таъмирлаш, моддий ёрдам тайинлаш каби масалалар юзасидан мурожаат қилган фуқароларга қонун доирасида тушунтиришлар берилди.
Муддат талаб қиладиган 6 та мурожаат асосида тегишли ташкилот раҳбарларига топшириқлар берилиб, ижроси қатъий назоратга олинди.
Арнасой туман ҳокимлиги Ахборот хизмати
Муҳокамага қўшилинг
Изоҳлар (0)