“Очиқ бюджет” ахборот порталида овоз бериш жараёнида ғолиб бўлган ташаббусларга фуқаролар ташаббуси жамғармаси маблағларини йўналтириш тўғрисида

Ўзбекистон Республикаси Президентининг 2021 йил 13 апрелдаги ПҚ-5072-сонли ва Олий Мажлиси Сенатининг 2021 йил 22 апрелдаги КҚ-213-IV-сон қарорларига асосан, Молия вазирлигининг 2021 йил 6 сентябрдаги WV82767631-сонли кўрсатма хати ижросини таъминлаш мақсадида, туман молия бўлими мудири М.Эшбоевнинг билдиргисини инобатга олиб, “Маҳаллий давлат ҳокимияти тўғрисида”ги Ўзбекистон Республикаси Қонунининг 6 ва 24-моддаларига мувофиқ, халқ депутатлари туман Кенгаши

ҚАРОР ҚИЛАДИ 

1. Жорий йилнинг 15 июлидан 3 августига қадар “openbudget.uz” веб- сайти орқали мавжуд маҳаллий муаммоларни бартараф этиш мақсадида туманда истиқомат қилувчилар учун аҳамиятга эга бўлган ҳар хил мазмундаги жами 270 та таклифлар билдирилганлиги, 4 августдан 23 сентябрга қадар ушбу таклифларнинг барчаси модерациядан ўтказилиб, натижада 172 та ташаббус овоз бериш учун қабул қилинганлиги, шундан, 98 ташаббус турли хил сабабларга кўра рад этилиб, 24 августдан 17 сентябрга қадар 172 та ташаббусга овоз бериш жараёнида иштирок этганлиги, якунда 3 та ташаббус энг кўп овоз тўплаб ғолиб бўлганлиги ҳамда жамғармада 1 792 000 000 (бир миллиард етти юз тўқсон икки миллион) сўм маблағ шаклланганлиги маълумот учун қабул қилинсин.
2. Ғолиб таклифлар ва уларга ажратиладиган маблағлар рўйхати
   1-иловага мувофиқ тасдиқлансин.
3. Молия вазирлигининг юқоридаги кўрсатма хатига кўра ғолиб таклифларни молиялаштириш манзилли рўйхати шакллантирилсин ва ғолиб таклифларни молиялаштириш учун буюртмачи ташкилот туман ҳокимлиги ва ободонлаштириш бошқармаси этиб белгилансин.
4. Арнасой туман Ободонлаштириш бошқармаси Молия вазирлигининг ДМБАТ дастурида ҳар бир ғолиб таклифга (маблағ манбаси 4017...) шахсий ғазна ҳисобварағини очсин. Ғолиб таклифларга лойиҳа-смета ҳужжатларини ишлаб чиқувчи ва пудратчини аниқлаш бўйича қонунчиликда белгиланган тартибда ва ўз муддатида танловга қўйиш ҳамда маблағларни молиялаштириш чораларини кўрсин. Ушбу ғолиб бўлган таклиф тўлиқ молиялаштирилиб бўлингандан сўнг (касса харажатидан) ортган маблағ Арнасой туман ҳокимлиги қошида очилган фуқаролар ташаббуси жамғармаси шахсий ғазна ҳисобварағига тўлиқ қайтариш вазифаси юклатилсин.
5. Туман ҳокимлиги бош ҳисобчиси (Б.Мухиддинов)га ғолиб деб топилган таклифларга фуқаролар ташаббуси жамғармасидан 1-иловада келтирилган амалга оширишнинг аниқланган қиймати миқдорида маблағ ажратиш вазифаси юклатилсин.
6. Туман Ғазначилик бўлинмаси (А.Ғайбуллаев) ушбу маблағни тегишли тартибда молиялаштирилишини таъминласин, ушбу маблағни манзилли рўйхатда кўрсатилган тадбирларни молиялаштиришга йўналтирсин ва маблағларнинг бошқа мақсадларга ишлатилиши таъқиқлансин.
7. Мазкур қарорнинг ижросини назорат қилиш туман Кенгашининг “Маҳаллий бюджет, иқтисодий ислоҳотларни амалга ошириш, инвестициялар ва тадбиркорликни ривожлантириш масалалари доимий комиссияси” доимий комиссияси ҳамда туман ҳокимининг биринчи ўринбосари З.Исматов зиммасига юклатилсин.
8. Ушбу қарор қабул қилинган кундан кучга киради.

                  туман кенгаши раиси                      Х.Алимарданов