Арнасой тумани 3-секторда сайёр қабул ўтказилди

Айни кунларда жойларда секторлар раҳбарлари аҳоли билан учрашувлари давом этмоқда.

Арнасой тумани 3-сектор раҳбари, туман ИИБ бошлиғи подполковник Рустам Умматқулов, Халқ қабулхонаси Арнасой тумани бўлими мудири Бекмурод Норовлар биргаликда 3-сектор ҳудудида жойлашган Бобур ва Олтин водий маҳалла фуқаролари билан сайёр қабул ўтказди.

Сайёр қабулда Арнасой туман бош имом хатиби, тумандаги ташкилот ва корхоналар раҳбарлари иштириок этишди.

Қабулда аҳоли бандлигини таъминлаш, банк кредити олиб бериш, ички йўллар, оқар сув, Олий таълим учун шарнома пуллари, тоза ичимлик суви каби мурожаатлар тингланди.

Мазкур мурожаатлар асосида жами 18 та мурожаатлар келиб тушди. Уларнинг 5 таси жойида бартараф этилган бўлса, 6 нафар фуқароларга ҳуқуқий тушинтиришлар берилди. Муддат талаб қилинган 7 та мурожаатлар назоратга олиниб ҳал этиш бўйича тегишли масъулларга топшириқ ва тавсиялар берилди.

Арнасой туман ҳокимлиги Ахборот хизмати