Арнасойда йўл ҳаракати қоидалари бўйича тарғибот ишлари олиб борилди

Арнасой туманида йўл транспорт ҳодисаларининг олдини олиш, йўлларда ҳаракат хавфсизлигини таъминлаш мақсадида тарғибот тадбирлари ўтказилмоқда.

Жумладан Арнасой туман ҳокимлигида тумани ИИБ йўл ҳаракати хавфсизлиги гуруҳи катта инспектори мойор Баҳодир Куланов ва сержант Рустам Исаевлар йиғилганларга йўл ҳаракати қоидаларига риоя қилиш, йўлнинг махсус белгиланган жойларидан ўтиш яъни пиёда ва велосипедчилар учун мўлжалланган жойлардан юриш, велосипедларни олди ва орқа ҳамда ён томонларига нур қайтарувчи чироқлар ўрнатиш зарурлиги қайд этиб ўтилди.

Мақсад эса йўллардан эхтиёткорлик билан ўтиш, кўнгилсиз ҳодисаларнинг олдини олиш, аҳоли ўртасида йўл ҳаракати бўйича кўникмаларини оширишдан иборатдир. 

Арнасой туман ҳокимлиги Ахборот хизмати