“Шодлик” Давлат мактабгача таълим ташкилотида "Қизлар одоби тарғиботчиси" танлови ўтказилди
Юртимизда қизларни одоб-ахлоқ қоидалари руҳида тарбиялаш, уларни қўллаб-қувватлаш, қобилиятларини рўёбга чиқариш, ҳунар ўргатиш, бандлигини таъминлаш каби эзгу ишларга муносиб ҳисса қўшиб келаётган фидойи, фаол хотин-қизларнинг ижобий тажрибаларини оммалаштириш, муносиб тақдирлаш ва рағбатлантириш, шунингдек, уларни миллий, умуминсоний ва оилавий қадриятларга ҳурмат, билим олишга интилиш, одоб-ахлоқ қоидалари руҳида тарбиялаш ҳамда қизларга маънавий-маърифий фазилатларни сингдиришга хизмат қилаётган фаол хотин-қизларнинг ижобий тажрибаларини оммалаштириш мақсадида Арнасой туман 9-сонли “Шодлик” Давлат мактабгача таълим ташкилотида "Қизлар одоби тарғиботчиси" танлови бўлиб ўтди.
Мазкур танловда тумандаги Янгибўстон маҳалласидан 7 нафар қизлар иштирок этиб, ҳакамларнинг якуний хулосаларига кўра Сайтова Феруза 1-ўринни эгаллади ва туман босқичига йўлланмани қўлга киритди.
Тадбир сўнгида ғолиб ва фаол ишитирокчилар фахрий ёрлиқ ва эсдалик совғалари билан тақдирландилар.
Арнасой туман ҳокимлиги Ахборот хизмати