Солиқ ходимлари ўртасида семинар ўтказилди

Бугун Жиззах вилояти  ҳокимлик залида  давлат солиқ қўмитаси раиси ўринбосари Абдиев Жахонгир Ибрагимович ва қўмитанинг етакчи мутахассислари,  вилоят ДСБ раҳбарияти  иштирокида солиқ маъмурчилигидаги сўнгги янгиликларга бағишланган семинар учрашув бўлиб ўтди. 

Мазкур семинарда Арнасой туман Давлат  Солиқ Инспекцияси ходимлари ҳам иштирок  этди.  

Очиқ мулоқот тарзида ташкил этилган семинарда, солиқ маъмурчилигини ошириш орқали тадбиркорларга яратилаётган тенг рақобат шароитлари, соҳада тадбиқ этилаётган бизнес-жараёнларни янада автоматлаштишнинг (“E-актив”, “ Е-ижара” электрон ҳисобварақ-фактура (ЭҲФ) ҳамда Маҳсулот ва хизматларнинг идентификацион коди (МХИК) тизимидаги ) имкониятлари ва афзалликлари борасида иштирокчиларга батафсил маълумотлар бериб ўтилди. 

Ушбу семинарда вилоят бўйича барча туман ҳокимликларига тадбиркорлар ташриф буюриб, улар семинар тафсилотларини видео тизим орқали кузатиб бориб, ўзларини қизиқтирган саволлари билан ҳам иштирок этишди. 

Арнасой туман ҳокимлиги Ахборот хизмати